WADAU HAKI ZA BINADAMU,WATOTO WAZUNGUMZA KUELEKEA MAADHIMISHO YA SIKU YA MTOTO WA AFRIKA.

WADAU HAKI ZA BINADAMU,WATOTO WAZUNGUMZA KUELEKEA MAADHIMISHO YA SIKU YA MTOTO WA AFRIKA.

Na Mwandishi wetu ,Dae es salaam

Juni 16 kila mwaka bara la Afrika huadhimisha Siku ya Mtoto wa Afrika tangu kuidhinishwa kwa siku hiyo na Umoja wa Afrika mwaka 1991. Umoja wa Afrika ulianzisha Siku ya Mtoto wa Afrika kama sehemu ya kuwakumbuka na kutambua mchango wa watoto waliopoteza maisha katika mauaji yaliyotokea huko Soweto, Afrika ya Kusini wakati watoto walipoandamana kudai haki zao za msingi.

Katika nchi mbali ikiwemo Tanzania   maadhimisho hayo hufanyika pia katika maeneo mbali mbali hapa nchini hali iliyopelea   wadau wa kupinga ukatili wa kijinsia ikiwemo haki za watoto  kujitokeza na kuiomba  jamii kuacha tabia ya kuficha watoto wenye ulemavu kwani wanahaki sawa na wengine.

Mkurugenzi wa sheria na Haki za Binadamu kutoka shirika la Buildining Inclusive Society Tanzania Organization (BISTO)akizungumza na wanahabari jijini Dar es salaam  Mussa Nzige alisema kuwa watoto wanakumbwa na changamoto mbalimbali ikiwemo kutumikishwa kazi za ndani na zile za kuzalisha kipato jambo ambalo ni kinyume na haki za watoto 

Alisema kuwa watoto wenye ulemavu wamekua wakikosa haki mbalimbaliza za kibinadamu ikiwemo kukosa elimu pamoja na kufichwa ndani huku akiiomba jamii itoe taarifa kwa mamlaka zinazohusika pindi wanapogundua kuna mtoto amefichwa.

"Ndugu zangu watoto wengi wanatumikishwa katika kazi za kuingiza kipato kama ombaomba tunaikumbusha jamii kuacha vitendo hivi siyo vizuri na vinatakiwa kukemewa kwa nguvu zote" alisema Nzige.

Amesema serikali inatakiwa kuwachukulia hatua kali wale wanaowatumia watoto wenye ulemavu kama sehemu ya kujiingizia kipato na kuwanyima haki yao ya msingi ya kupata elimu .

Hata hivyo ameongeza kuwa ipo haja ya serikali kuipitia upya sheria ya mtoto na kuifanyia marekebisho ikiwa ni miaka kadhaa sasa imepita tangu mahakama ilipotoa hukumu ya kufanyiwa marekebisho kwa sheria hiyo kufuatia kesi iliyofunguliwa na mwanaharakati Rebeka Gyumi ikitaka marekebisho ya sheria hiyo 

Aidha Kwa upande wake Bi Sophia Komba ambaye ni  Mkurugenzi mkuu wa Kituo cha Kupinga unyanyasaji wa kijinsia (CAGBV)na mwenyekiti wa TAANET  alisema kupunguzwa kwa kodi kwenye bidhaa za vinywaji vikali ( Pombe) inaweza kuchangia vitendo vya unyanyasaji kwa watoto ikiwemo ubakaji.

Alisema kwamba serikali iangalie kwa upana suala hilo kwani linaweza kusababisha matatizo makubwa kwa jamii ikiwemo kuongezeka kwa walemavu kutokana na ajali zitokanazo na madaereva bodaboda waliolewa.

Bi Sophia aliongeza kuwa kuna haja kubwa suala la kupunguzwa kwa kodi katika bidhaa za vilevi likaangaliwa upya katika bajeti ya serikali ya mwaka 2021/2022 ili isiwe kikwazo katika haki za watoto kutokana na kuongezeka kwa idadi ya wanaokunywa pombe baada ya bei kupunguzwa.

"Kitendo cha kupunguza kodi kilichofanywa na serikali kupunguza kodi katika vileo kinaweza kusababisha kuongezeka kwa ajali nashauri kuangalia upya swala hili" alisema bi.Sophia Komba.

Kunako Mwaka 1991, Wakuu wa Umoja wa Nchi Huru za Kiafrika, OAU walianzisha Siku ya Mtoto wa Afrika kama kumbukumbu ya uasi dhidi ya wanafunzi uliotokea hapo tarehe 16 Juni 1976 huko Soweto, Afrika Kusini. Wakati huo, wanafunzi watoto wadogo waliandamana, mosi kupinga mfumo na elimu duni waliokuwa wanapatiwa. Pili, waliitaka Serikali ya kibaguzi ya Afrika ya Kusini kuboresha mfumo wa lugha ya kufundishia. Siku ya Mtoto wa Afrika hutumika kuwakumbusha watoto wetu hatua ya kijasiri waliyoichukua wenzao huko Afrika Kusini katika kulinda utu, heshima na haki zao msingi. Watoto wanakumbushwa kwamba wanaweza kuleta mabadiliko hata wakiwa wadogo. Hii ni Siku ya Kimataifa inayopania kuboresha hali na mazingira ya elimu kwa watoto Barani Afrika.

Kwa hivyo, Hivyo Siku Ya Mtoto wa Afrika inaadhimishwa kwa kuangalia maslahi mapana ya watoto wa Afrika na inawapasa watu wazima kujitolea kwa hali na mali katika nafasi zao ili kushughulikia changamoto nyingi zinazokabili watoto katika Bara zima la Afrika. Watoto wanapaswa kulindwa dhidi ya ukatili na unyama wanaoweza kutendewa ndani na nje ya familia zao. Watoto wanapaswa kuepushwa ndoa na mimba za utotoni kwa kupewa na kurithishwa maadili mema. Kipindi cha janga la ugonjwa wa homa kali ya mapafu inayosababishwa na Virusi vya Corona, takwimu zinaonesha kwamba, kuna idadi kubwa ya watoto waliopata mimba kwa sababu ya kukaa muda mrefu majumbani mwao. Wazazi wanapaswa kuwajibika kikamilifu juu ya ulinzi na tunza ya watoto wao. Watoto wanapaswa kuepushwa na vishawishi kwa kuhakikisha kwamba, wanapata mahitaji yao msingi kwa wakati. Wafundwe pia kuwa na kiasi kwani katika maisha hawataweza kupata kila kitu wanachohitaji. Watoto wafundishwe umuhimu wa kuwa na nidhamu katika maisha! Waswahili wanasema, watoto wakilindwa vyema, watawaheshimu na kuwakumbuka wazazi wao!