TAMASHA LA 12 LA KITAALUMA LA KIGODA CHA MWAL NYERERE 2021 LAFUNGULIWA DAR

TAMASHA LA 12 LA KITAALUMA LA KIGODA CHA MWL NYERERE  2021  LAFUNGULIWA DAR

Na mwandishi wetu,Dar es salaam

Imeelezwa kuwa licha ya Nchi za Bara la Afrika kuendelea kufanya juhudi za Maendeleo lakini bado inakabiliwa na sera zisizo  Madhubuti ikiwemo Utaratibu wa maendeleo,Miundombinu hafifu ikiwemo mawasiliano hali inayopelekea baadhi ya Nchi Kuyumba kiuchumi.

Hayo yamesemwa jijini  Dar es salaam na  Waziri wa katiba na Sheria  Profesa Palamagamba Kabudi katika Ufunguzi wa Maadhimisho ya Tamasha la 12 la Kitaaluma la kigoda cha  Mwalimu Julius K Nyerere lililoandaliwa na Chuo Kikuu Cha Dar es salaam,Kampasi ya Mwalimu Julius K Nyerere ,Mlimani 

Amesema kutokana na Umuhimu wa Mchango wa Hayati Mwalimu nyerere katika ujenzi wa Taifa hivyo chuo hicho kikuu kiliamua  kufanya Matamasha kila mwaka kumuenzi mambo mema aliyoyatenda kwa Taifa na Afrika kwa ujumla 

Sanjari na hayo amesema  Viongozi waliopambana na Ukoloni na kuwa na Maono ya kutaka Bara la Afrika kuinuka kiuchumi kwa kuanzisha Jumuiya mbalimbali za Mashishikiano ikiwemo ECOWAS,EAC,SADEC,OAU,COMESA, ili kusaidi kuondokana na kuwa temegemezi ili kuwa na Uchumi Imara.

Hata hivyo aliongeza kwa kusema  Nchi hizo huzalisha bidhaa zinazofanana  kwa ajili ya soko moja la Dunia hivyo kupelekea bidhaa kugongana sokoni na kupelekea bei kushuka 

Kwa upande wake makamo mkuu wa chuo,Chuo kikuu cha Dar es salaam Prof Willium Anangisye amesema tamasha hilo la kitaaluma la Mwalimu Nyerere linaikumbusha jamii kuendelea kuwa na ushirikiano madhubuti na limeonyesha matunda makubwa kwa Tanzania,Afrika na duniani kwa ujumla kwa kuenzi historia ya wanamajumuhi wa Bara hilo.

Amesema ni muhimu kuendelea kufanywa kwa matamasha hayo kwani kwani yanaendeleza historia ya umajumuhi wa Afrika na kuwaenzi mashujaa wake.

Hata hivyo licha ya kuwepo kwa changamoto ya ugonjwa wa Corona kwa mwaka huu tamasha hilo limefanyika kwa kufuata tahadhari zote dhidi ya ugonjwa huo