JUKATA YAITAKA SERIKALI KUACHANA NA MPANGO WA UTOAJI ELIMU YA KATIBA KWA MIAKA MITATU,YADAI ITACHELEWESHA MCHAKATO

Mkurugenzi Mkuu wa (JUKATA) Bob Chacha Wangwe 

 Na PrayGod Thadei

Siku chache mara baada ya aliyekuwa waziri wa katiba na asaheria kabla ya kuhamishiwa wizara ya masuala ya kimichezo Dkt Damas Ndumbaro kutoa taarifa kwa umma juu ya mpango wa serikali kutoa elimu ya katiba kwa miaka mitatu,Jukwaa la Katiba Tanzania JUKATA limeibuka na kupingana na mpango huo kwa kudai kuwa utachelewesha mchakato wa katiba mpya

Jukwaa hilo limesema ni vyema  Serikali kuanchana na huo wa kutoa Elimu ya Katiba ya mwaka 1977 na badala yake peleke miswada ya Sheria za michakato wa katiba Bungeni kwa ajili ya marekebisho.

Akizungumza na  Waandishi wa habari Jijini Dar es salaam Mkurugenzi Mkuu wa (JUKATA) Bob Chacha Wangwe amesema ni vyema sasa kwa serikali kuona umuhimu wa kutumia nyaraka muhimu za mchakato wa katiba Mpya katika kutunga au kurekebisha Sheria za mchakato wa katiba kwa kuwa zimezingatia mahitaji ya sasa ya nchi pamoja uzoefu wa mchakato uliokwama mwaka 2014.

Mkurugenzi huyo amesema kuwa kuwa  JUKATA  mpango huo uliotangazwa na wizara ya katiba na sheria unapaswa kuangaliwa upya kwani utasababuisha matumizi mabaya kwa fedha za umma kwani hapo awali mchakato uluishafanyika kupitia tume ya marekebisho ya sheria.

Hata hivyo Jukwaa hilo limepongeza hatua ya Rais Dkt Samia kumwondoa katika wizara hiyo Dkt Ndumbaro na kumuweka Dkt Pindi Chana na limeahidi kufanya naye kazi kwani linaamini uwezo wake katika masuala ya sheria na katiba.

" Ujio wa Balozi Dkt  Pindi Chana katika Wizara ya Katiba na Sheria tunaamini utaleta nuru ya upatikanaji wa katiba na kuondoa vikwazo ambavyo kwa namna Moja ama nyingine vitaweza kutukwamisha kama hilo la kutoa elimu ya Katiba ya mwaka 1977 kwa miaka mitatu " amesema 

 .

 

                  Mwenyekiti wa Jukata Dkt  Ananillea Nkya

Dkt  Ananillea Nkya ni mwenyekiti wa Jukata ambaye amesema ni vyema kwa sasa Mchakato wa upatikanaji katiba mpya kwa kushirikisha na wadau mbalimbali ili kutengeneza Sheria  mfano  ambayo itawafanya watanzania wote wajue namna ya kupata katiba mpya .

‘’niwasihi watanzania wote kuwa kitu kimoja katika kupata  katiba mpya kwakuwa jambo hilo halihitaji kuwa na utashi wa kisiasa hivyo linahitaji Uzalendo wa maslahi mapana ya kitaifa’’alisema Dkt Nkya

                    

Mjumbe wa bodi ya JUKATA,Deus Kibamba akizungumza na waandishi wa habari

Kwa upande wake  Mjumbe wa bodi ya Jukata Deus Kibamba  amesema ni vyema sasa kwa waziri wa katiba na sheria Dkt Pindi Chana atoe ratiba ya Mchakato wa katiba mpya ili wadau wote wakae tayari kwa mchakato huo muhimu kwa Taifa na kuongeza kuwa na wao wataendelea kutoa elimu kwa jamii juu ya mchakato wa katiba.