KIJANA WA MIAKA 35 AMUOA BIBI WA MIAKA 70 ALIYEKUTANA NAYE FACEBOOK

Naeem Shahzad  (35)sasa ameingia katika ligi ya wanandoa baada ya kukiuka kanuni za jamii na kufanya harusi na mwanamke kutoka Canada anayemzidi umri zaidi ya mara mbili.

Kijana huyo, ambaye anatoka Gujrat, Pakistan, alipatana na mwanamke kutoka Canada mwenye umri wa miaka 70 kwenye Facebook, na wawili hao wakazama katika penzi.

Yote ilianza kwa urafiki wa kawaida tu na baada ya hapo uhusiano wao ukasitawi na ukaleta jambo la maana kati yao.

Hamari Web aliripoti kuwa Naeem na barafu wake wa moyo walibadilishana jumbe, kushiriki hadithi na kujenga uhusiano uliovuka mipaka.

Walihama kutoka kwa marafiki wa kawaida hadi kwa watu wa siri ambao walilemewa na hisia za penzi.

Punde si punde, upendo wao ulizidi mawimbi ya pengo la umri na wakaamua kufunga ndoa. Licha ya tofauti kubwa ya umri wao, kujitolea kwa Naeem bila kuyumba kulimfanya amuoe mwanamke aliyeuteka moyo wake.

Ingawa baadhi ya watu walitilia shaka uhalisi wa uhusiano huo, mwanamke huyo kutoka Canada alianza safari ya ajabu ya kukumbatia hatima yake. 

Alisafiri maelfu ya maili hadi Pakistan ili kufunga ndoa na Naeem. Upendo wa wanandoa hao ulivuka mipaka, na kuthibitisha kwamba umri ni nambari tu wakati nafsi mbili zinakusudiwa kuwa pamoja.